A propos du service de 3 ans

paru dans La Vie Arrageoise du 23 mars 1913, sous la plume d'Alfred Demont

On vo r'faire à cop seur troès ans.
Ch'est un molé pus long, probape ;
Mais, on l'zé faijoèt bien dins l' temps.
Sans qu'cha seuch' lo pus dommageape !

Et pis du ress' ch'est pou l'païs,
Pour sin bonheur à ch' païs d' France ;
Ch'est pour avoir miux l'espérance
Qu'on laich'ro l'monte in paix par chi.

Pis, nom des z'os, faut poent qu'on croèche
Qu'os n'n'ons peur. Os semm's prêts tartous
A rimplir nou d'voir dus qu'au bout...
Ed nous fair' vir ainsin, n'impêche

Equ' nous voésins, ches bons All'mands,
Is n' n'allonch'nt lo eun' mainne hontape !
On vo r' faire à cop seur troès ans.
Cha l'zé calm'ro, s'z All'mands, probape !

_{Pour citer cet article :}

"A propos du service de 3 ans, par Alfred Demont", poème paru dans La Vie Arrageoise (23/03/1913), et mis en ligne le 4 novembre 2009 sur le site internet "Mémorial du Ternois" (http://memorialduternois.free.fr)
Tous droits réservés.

Retour à la page d'accueil